基本防守概念
做龍門，除左要技術了得。對場區要有一定認識。因為當失去控球權，對方組織防守。前面固十個球員就成為你嘅屏障。任你技術再好，比人起得腳，總有機會比人射入。只要識得控制場區球員嘅防守位置。防守成功率都相對大增，變相失球機會都相對減低。正正應驗左以下嘅理論。
「冇人起到腳，就唔會有失球。」
基本防守理論涉及到一啲微觀嘅情況，例如最簡單嘅 1 vs 1 防守，防止對手突圍，引導對手處於一個防守位置，以及咩時後搶波，都係一個幾大嘅學問。但當涉及到兩個人或以上嘅防守，甚至其後嘅區域防守，難度相對大增。十分講究默契及位置感，除左進行單對單搶截之外，亦講後第三者企位截斷對方嘅傳球路線。當中涉及三個要點，就係平衡，對位，同包抄。
片中嘅示範就係當對手持球時，所有場區球員嘅對位方法。最近持球方嘅防守球員會向前施壓，而附近嘅球員會集中附近嘅防守區域，以截斷對方嘅傳球路線及推進空間，形成一個「人多打人少」嘅防守情況，假如當單對單防守失效，另一位球員會立即補上，減低擺脫防守後傳球及推進選擇。例如當對方由我場左方發動攻勢，所有球員會移到左方進行防守，形成一個密集嘅防守結構，就算右閘位出現對方攻擊球員，都唔會對佢施以防守。但當然要令對手出現喺一個防守視線嘅範圍，待對手轉邊後先進行防守（Marking)，要一條常見嘅4人防線為例，假如最左三位防守向左移，但右閘沒有跟住防線，右閘及右中堅之間會出現頗大嘅空間，假如對手以穿越直線傳球（Through pass)，防守結構會被破壞，形成一個單刀或半單刀狀態。因為防守球員面向前方，假如對手突破防線後要轉身追波，即使追到個人，總好難出現喺對方面前，最多可以做到嘅係阻截對方嘅射球路線，或者以犯規停止攻勢。但後果換來可能係一個自由球，或者變成一個十二碼。而呢類犯規係可以避免。
而龍門除左可以對位之餘，可以利用提場指示隊友嘅防守位置。除左話比後衛聽邊度有走甩左嘅對方進攻球員外。可以利用自己嘅視野組織防守。因為區域防守係需要不斷演練，而且講求位置感及極高嘅防守紀律。加上防守球員未必知道自己嘅位置是否理想，需要守門員多加提點。令整個防守更為有效。
其實龍門除左要救波，要令用自己嘅視野等資訊，不停組織防守，要等到個波到先開工，未免有一點「亡羊補牢」嘅感覺。善用自己嘅視野同閱讀球賽能力，等自己做少啲。唔好咩？
至於太深奧嘅就未必同大家講到，或者睇完呢條片，希望各位參透到箇中玄機。
Tres jolie video de tactique de defense par groupe
Search